Cada vez somos máis Baixo o mesmo Paraugas
03.12.2018 O pasado luns, 3 de decembro, 53 asociacións de toda Galicia xuntámonos para celebrar, por terceiro ano consecutivo, o Día Internacional da Discapacidade " Baixo o mesmo paraugas".
Na Coruña, foi unha xornada moi emotiva na que, tras as palabras da concelleira de Igualdade e Diversidade, Rocía Fraga, e a lectura do manifesto por parte de persoas con discapacidade e alumnos do colexio Isaac Díaz Pardo; expresamos as nosas peticións, necesidades e desexos para facernos visibles ante a sociedade.
Así, sobre un milleiro de paraugas de cores asolagaron, de novo, a praza de María Pita ao redor das 12 da mañá nun acto cualificado como un "éxito" por todos os asistentes.
Deixámosvos as fotos realizadas polos fotógrafos de Nos Why Not? e vémonos no 2019!
