Deportistas de Apronaga presentan os 20º Xogos Minoritarios
Esta mañá, deportistas e voluntarios do Servizo de Ocio, membros da Xunta Reitora de Aspronaga, directiva de Special Olympics Galicia e autoridades do Concello da Coruña presentaron os 20º Xogos Autonómicos de Deportes Minoritarios. Estes xogos, que se celebrarán o próximo sábado 11 de Abril no Pazo de Deportes de Riazor, acollen distintas modalidades deportivas
como o tenis de mesa, o bádminton ou a petanca, ademais de probas motoras (desprazamento, tiro de disco, recepción de pelotas, lanzamento a canastra, lanzamento de precisión, tiro a portaría, raquetas e pelotas, equilibrio dinámico e desprazamento con diferentes apoios e birlos). A xornada, organizada por Special Olympics Galicia, en colaboración con FADEMGA FEAPS Galicia e ASPRONAGA, é aberta ao público, de entrada gratuíta e arrancará ás 10.45 horas coa actuación do coro de ASPRONAGA e o desfile de todos os deportistas das entidades participantes. A competición comezará ás 12.00 horas e a cerimonia de clausura, ás 19.00 horas. Na cita participarán 21 asociacións de toda Galicia que desprazarán a 382 deportistas con minusvalidez intelectual e 93 adestradores que, sumados aos máis de 100 voluntarios e ao persoal da organización, fan un total de 668 persoas.
