Encontro de Familias: 24 Valores de Cine (30/10/2015)

O Sábado, 21 de Novembro, celebrarase a xa tradicional XORNADA AUTONOMICA DE FAMILIAS, que terá lugar no Colexio ?La Salle?. SANTIAGO DE COMPOSTELA (c/ San Roque, 6). Este ano ten un carácter especial ao estrear a nosa Federación novo nome, agora somos: FADEMGA  Plena Inclusión Galicia. Para celebralo este 21 Encontro vaise a presentar como un Festival de Cinema pola Plena Inclusión, e como tema central: a necesidade de actualizar e poñer en relevo os Valores que han de rexer o noso movemento asociativo.

Con obxecto de facilitar a asistencia, as familias dispoñerán dun Servizo de Respiro, que atenderá aos seus fillos durante a xornada e cuxo  importe será de 12 ?. Así mesmo ASPRONAGA poñerá un Servizo de Transporte gratuíto , ida e volta . Aquelas familias que desexen utilizalo deberán indicalo no momento da inscrición. A cota de inscrición individual, se se formaliza antes do día 6 de Novembro, será de 12 euros , bonificándose a participación dos seguintes membros da unidade familiar, que deberán abonar só 10 euros, e inclúe documentación, café  e comida. As inscricións que se realicen con posterioridade á devandita data terán un importe de 18 euros, custo que se aplicará tanto á praza por asistente, como á praza no Servizo de Respiro. Todos aqueles que esteades interesados en participar, deberedes comunicalo canto antes, e antes do día 5 de Novembro,  pasando polas nosas oficinas de Pérez Lugín ou poñéndovos en contacto telefónico coa Traballadora Social (981145418).

i n r f p s v t 0 1 2